أوعى يهزّك صوت الغارة
أشعار الدكتور صبرى إسماعيل
أوعى يهزك صوت الغـارة
وأصمد ويّا عيال الحــــارة
صهيونى طلع روح فرحتنا
أصله خسيس مليان بقذارة
أوعى يهزك صوت الغارة
وأصمد ويّا عيال الحــارة
صهيونى غدر معاه أمريكا
والمجلس خيبان يا ماريكا
حتّى الفيتو الخاين جـــداً
لمبادئ شالهــــــا بأستيكا
أوعى يهزك صوت الغارة
وأصمد ويّا عيال الحــارة
صهيونى حارق زرع بلادى
بدمانا اللى تسيل فى الوادى
صهيونى حاقد نافخ سمّــه
ولدين الأسلام بيعــــــــادى
أوعى يهزك صوت الغارة
وأصمد ويّا عيال الحـــارة
إضرب أرجم فيه بحجـــارة
وارمى سهام وبكل جسارة
يلاّ مسيره فى يوم هيسلّم
ويهاجر من كل القـــــــارة
أوعى يهزك صوت الغارة
وأصمد ويّا عيال الحـــارة
لمّا نكون كلنا إيد واحــدة
ضد الظلم ونرعد رعـــدة
ونوفر رصاصاتنا الطالعة
على صدرنا وتكون للبعدا
أوعى يهزك صوت الغارة
وأصمد ويّا عيال الحـــارة
أرفع إيدك وادعى المولى
باذن الله جاية لنا الجولة
هندمّر باسم الله حصونهم
ولا ليهم قوة ولا حـــــولا
--------------------------------------------------------------------------------
موضوع: أوعى يهزّك صوت الغارة 
الجمعة يونيو 20, 2008 1:08 am
