اعذرونى ...ولكنها الحقيقة !!!

وانا بعد كل هالرغي رح اوجه رسالتى وكلامى لكل البنات



وعارفه انه رح يكون كلام صعب عليكم



وانا والله صعب علي اجرح اي بنت بس مضطرة اقولكم لانكم ما بتصحو الا بهالطريقة







حبيبتى البنت ،انتى اسمعتى كتير بعلاقات حب ناجحة عم بتصير عالنت من حواليكي ، الظروف مش سامحتلك تحبي حدا من واقعك بسبب العادات والتقاليد وافكار المجتمع ، انحرمتى من حب وحنان اهلكـ عم بتواجهى بمشاكل ع مستوى الدراسة او العائلة او اي شي ، حاسة بفراغ عاطفي ونفسك تعملى زي الي بتسمعى باغنية لتامر ولا اللي بتشوفيه بمسلسل نور ولا اللي بتقراي من روايات الحب ..
حاجتك شديدة للحب .
كل هالكلام خلى نفسك تعطيكي عزر ومبرر قوي لانك تروحى لواحد وتحبي عالنت
هاد ازا ما كنتى هبلة ووافقتى ترتبطى فيه قبل تفكير ومن اول ما قلك (انا بحبكـ)
طيب تعالى اسالك كم سؤال .
حبيبك بيدرس بجامعة مختلطة ، بيشوف بنات بالحدائق والمطاعم والاماكن العامة ، في عند بنات جيران وعنده بنات خالات وعمات ....
شو اللي بدو يخليه يروح يخلي يحب وحدة لا شافها ولا سمع صوتها ولا تعامل معها ؟!!!
كلنا بنعرف انه المجتمع عاطيه الضو الاخضر لاقامة علاقات اي كانت سواء صداقة او اخوة او حب مع اي بنت بدو اياها ..بيقدر يلاقي البنت الحلوة او البنت المرحة او اللي دمها خفيف او الانيقة من عالمة الواقعى الكبير


ليش يروح ليحب وحدة من عالم النت؟؟؟؟؟
في واحد من الفلاسفة بيقول بمعنى (الولد يبدا حبه من العين )
مزبوط...اهم شي بالنسبة للولد هو شكل البنت مش اكتر
معناها ليش ليروح يحب وحدة ما شافها؟؟؟؟
من منطلق هالسؤال انا رح احكم حكمين منطقين وواضحين وواقعين كمان
الولد اللي بيحب عالنت يا اما بيكون حابك بجد(وهاد نادر)
يا اما انه مش حابك اصلا
وبالحالتين الوضع رح يكون مصيبة
وانا رح اناقش واوضح هالكلام


*



*



*
ازا كان بيحبكـ بجد ..
اسالى نفسكـ
مين هو الولد اللي بيضطر بيحب عالنت؟
مع احترامى لكل ولد حب بجد ع النت
الولد هاد بيكون انسان ناقص بواقعه
انسان كيانه مهزوز وبسيط وساذج وشخصيته ضعيفة وغير مرغوب فيه عاطفيا ابداا
ومشان هيك مش لاقي البنت اللي تشيله من ارضه وتحبه بجد من واقعه بسبب خلل فظيع بشخصيته او انهم بنات الناس اخدو عنو فكرة انه انسان
لا يمكن الوصول لبر الامان بعلاقتهم فيه واللي بيكون غير مغري عاطفيا ابدا وبالتالى الكل عم يبعد عنه
ومشان هيك رح يلجا للنت مشان يغطى هالفراغ العاطفي اللي بداخله
ورح يرسم لاله صورة مزيفة وخيالية انتى اللي رح تنخدعى فيها
فليش تتركى نفسك لاوهام ولخيال؟ ليش تحبي انسان بصفات خيالية وتتركى مشاعرك المقدسة لانسان لا يستحق الحب منك
مشاعرك مقدسة وانتى بنت شخصيتك و مكانتك مميزة ليش لتلجاي لانسان بنات بواقعه رفضو انهم يطلعو عليه ويتنازلوله؟!!
وانتى بنت غاالية ليش ترخصي حالك للهدرجة ؟
وطالما حابة تتزوجى زواج عن حب ليش ما تروحي لواحد من واقعك بتقدري تحكمى عشخصيته وتتاكدى منها ..
ليش ما تتركى نفسك تتعلق بحقيقة مش بخيال ؟!!!
هاد ازا كان بيحبك
والمشكلة الكبيرة
انهم 99% داخلين يلعبو ويتسلو ويصيدو بنات
بالتالى مؤكد اواحتمال كبير انه مهما بينلك انه الحمل البرئ والوديع يكون من داخلة ذئب وعم يتسلى مش اكتر
انسان حقير عم بيلعب بمشاعر بنات الناس وعم يستهتر فيها
ما تفكري شوي بالنتيجة من علاقتكـ بهيك انسان ؟
ما تحسبي احساب الذل والاهانة والدمار النفسي اللي رح تتعرضيله بنهاية هالعلاقة احسبي احساب الخسارة الكبيرة اللي رح تخسريها من عمرك وانتى عم تحلمى باحلامك معه وعم تضحى مشانه ومشان ليلة الزواج اللي ضحك عليكي فيها شوفي شو رح يكون احترامك لنفسك واحترامه لالك واحترام الناس اللي عرفو لما يبعد عنك ويضحك عليكي
شو اللي ضامنلك انه كلامه صح؟ وانه بيقدر يوصلك؟ وان بيحبك انتى وبس؟
ليش تخليه يستغل لحظة ضعف مشاعرك قدام غزله وكلامه الحلو وتسدقيه؟
ازا علاقات الحب بين ناس يللي بيحبو بعضهم بالواقع نادرا ما بتنجح
انتى مسدقة انو ممكن تنجح علاقتك؟!!
ليش تتركى نفسك لوهم سنين
يا بنات احنا اللي بندمر حالنا لوحدنا
كلامهم المعسول والحلو كله كزب بكزب ..وما في ولد بحب بنت بجد وبيرضى لالها انها تحاكيه وتتغزل فيها ويتغزل فيه الا بطريقة شرعية
هي القاعدة تاعة كل الشباب
ليش تقبلي لنفسك انه يضحك عليكي انسان لا يستحق انه يوصل لمشاعرك المقدسة ؟؟
احنا اللي بنترك نفسنا لخيال وبينضحك علينا
اتخيلي صدمتك النفسية لما تقابليه لايف
اتخيلي ردة فعل اهلك شو رح تكون لما يعرفو انه اللي جاي يخطبك واحد من النت ..
انا بتمنى كون وصلت رسالتى باختصار
واسفة للاطالة .......
تحياتى