اعذرونى ...ولكنها الحقيقة !!!

--------------------------------------------------------------------------------

السلام عليكم ورحمة الله وبركاته

اليوم جايبتلكم موضوع ، صريح ، خطير ، وفي حقائق ممكن انها تكون مكررة بنظر بعضكم وممكن انها تكون جديدة بنظر التانى ، ممكن انها تكون غريبة بنظر ناس ، وممكن انها تكون صدمة بنظر ناس تانية

انا رح حايكيم الموضوع بكل صراحة _ورح اتبع سياسة الجرح مشان اوصل لهدفي _ وبالتالى بتمنى انكم تسمعولى وتحترمو رايي

رح حاكيكم بهاد الموضوع كونو كان في لالي تجربة بالموضوع خلتنى اوصل لحقائق كنت بعرفها بس رفضتها ..

وكونو في كتير بنات بحاجة انهم يسمعو هالكلام بلكي اثر فيهم وساعدهم
رح تسالو ليش انزله مع انه تقليدي وفكرته مكررة الى حد ما ..رح اقلكم لانى حاطة ايميلات اغلب بنات النت عندى وللاسف كل يوم بنصدم بمعرفة علاقة حب وارتباط من هاد النوع ..

فبتمنى تسمعولى للاخر وتتحملو كلامى وتتقبلوه بصدر رحب
8
8
8
8
8

حكايتي مع حب النت..
من لما بدات اسمع بالنت صرت اسمع بعبارة مرافقة لالهاسمها ( حب النت)واسمع بناس لالهم تجارب فيها وحكايات معها كنت اقول "مين بيحب صورة رمزية !!" ولا مين بيحب "مجموعة من الاحرف والكلمات !!" "وشو حكاية الناس اللي بيحبو عالنت؟"

كتير كان في اسرار بنظري للهالقضية ومع انى بنت فضولية جدا وبحب تطلع على كل جديد كنت اتجاهل هالكلام وما اعطيه اي اهتمام ولا احاول انى اخوض بتفاصيله ،واللي كنت حاكمته عليها بس
انها (هبل وجنون وتخلف وسذاجة وغبا )

هاد هو الحكم اللي كنت حاكمته ع هيكـ كلام وما حاولت ابداا انى استفسر من صاحباتى اللي مرتبطات او اسال اي حدا ومكنتش معنية بالموضوع نهائيا وكل اللي كان ردة فعلي لما تقلي بنت عندها تجربة فيه
انى اضحكـ واستهتر واجاوبها بكل صراحة ( انتى هبلة وعبيطة وساذجة )

وكان مرات يخطر ببالى واتساءل واقول هل ممكن انى احب بيوم عالنت؟ ومباشرة نفسي كانت تجاوبنى وتقلي "مستحيل ليش تحبي عالنت طالما انتى مش ممكن تعانى من فراغ عاطفي بحياتكـ " بالفعل الحمد لله انا حلوة وشخصيتى حلوة واكتر من هيك انى كنت بدرس بمدرسة مختلطة وفي ميت ولد ممكن احبهم من واقعي

ورغم انى كنت بستهتر بعلاقات الحب اللي بانينها صاحبا عالنت الا انهم كانو ينجحو وكانو كلهم مبسوطين وفرحانين ..وكانت تطول علاقاتهم لاكتر من سنة او سنتين ..وكل وحدة كانت تعبرلي عن ارتياحها الديد مع حبيبها !!!

لحد ما دارت الدنيا فينا ولف الزمن وصار تغير فجائي وغريب بحياتى
وانتقلنا لبد جديدة ما بعرف فيها حدا ، اهلى وقتها انشغلو بمناسبات وشغل ومشاكل بعيلتنا الكبيرة ،اصحابي كلهم مش موجودين ومكنتش الاقي ولا حدا اون لاين عالايميل لانه الكل كان مشغول بالدراسة ، مدرستى اللي انتقلت لالها مدرسة نموذجية ضخمة لتجمع عدد كبير من الطالبات اللي قضا المحافظة وكل بنت جاي مع صاحبتها وتكوين علاقات صداقة كان علي امر صعب جدااااااا
وغير هيكـ كان صعب اطلع من البيت بعد ما ارجع من المدرسة بسبب الظروف الجوية السيئة والشتا والتلج
ومش بس هيكـ كمان صرت عم واجه بمشاكل بالدراسة نظرا لتغير اجواء المدرسة ومشاكل والالم بالبعد عن اصحابي اللي بالبلد القديمة ومشاكل عائلية كمان وهاد اللي خلانى الجا لعالم النت
وقتها انا حسيت بوحدة قاتله وبملل شديد وضغوط نفسية كبيرة
وكنت احس انى بحاجة لاهتمام ولحنان ولحب ولحدا يخلصنى من الوحدة اللي كنت فيها .
وفجاة القيت ولد من اولاد النت عم يعطينى بكل اللي بدي اياه
كان يوقف جنبي عطول ، وكنت الاقيه كل ما احتاجه
ومر الوقت علينا لحد ما صرت حس حالي عم حب فيه
وكمان كان احساسي انه هو عم بيبادل فيي نفس الشعور

وضلينا عهالحال لحد ما صرحنا بحبنا لبعض!!
وبدانا نمتل علاقة حب غبية عاساس انى انا حبيبته وهو حبيبي
لحد ما انحلت مشاكلنا العائلية واهلى رجعولى متل الاول
ورجع بيتنا دافى متل زمان والتلج اللي كان باب بيتنا داب (تعبير مجازي مش تسدقو )واتحسنت علاقاتى ببنات المدرسة وصار فيي اطلع من البيت واشوف الناس وحبيت ولد من واقعي وحبنى هو كمان
وقتها حسيت انى مش بحاجة لحبيبي تاع النت وبعدت عنه
واتفقنا نرجع اخوات!!
بس بعدين اهلى منعونى اشوف حبيبى بالواقع وبعدونا عن بعض مشان هيكـ ارجعت احس بفراغ عاطيفي
وارجعت لحبيبي القديم تاع النت
بس القيت انه نسينى بكل سهولة رغم قصر المدة اللي بعدتها عنه ورفض رفض قااطع انا نرجع متل الاول وقلى (لا ينفع البكاء على اللبن المسكوب ) ورغم هيكـ ضليت مصرة كمل مسيرتى تاعة الحب خاصة انى عم شوف نجاح لعلاقات صاحباتى بحبهم اللي عالنت وكان هالكلام حافز لالي انى اضل احاول وخاصة انى كنت عنجد بحبه ومع هيكـ ضل رافض هالفكرة وقلي احنا اخوات بس ..وكملت معه على اعتبار انه حبيبي وانى اخته
بس مر الوقت وصرت انساه وبنفس الوقت صار بامكانى اشوف حبيبى بجيه الصيف وحفلاته ورحلاته وصار بامكانو يشوفني وارجعنا متل الاول وانسيت اثار وبقايا الحب لتاع النت
والمفاجاة انى صرت اسمع باخبار الفشل الذريع لصاحباتى اللي كانو مرتبطين وصرت اشوف الالم والذل اللي انذلو من علاقاتهم
وانا من هون اصحيت من اللي كنت فيه
واكتشفت انى كنت بحالة هبل وغبا وسذاجة
وكمان اتزكرت وقتها راي للعضو سوكا كايند اللي كنت معارضته ووقفه ضده ومحاربه هيكـ راي
وثبتلي صحة هالككلام